આઈ શ્રી સોનલ વંદના-

from આઈ શ્રી સોનલ વંદના by ચારણ પ્રવીણભા હરસુરભા મધુડા(ઘાંઘણીયા)

મોડ શાખ મઢડા મહિ, જુનાગઢ દ્રશ્ય જાણ;
મા રણલ હમીર પિતા, ભવા સોનલ ચારણ ભાણ.

ભેળિયાળી ભગવતી, તોળું નવખંડ ગુંજે નામ;
તાત હમીર રાણલ મૈયા, ગરવુ મઢડા ગામ.

શુભ વિચાર સંસ્કારના, અમને પાયા આઈ;
એથી સઘળો ચારણ સમાજ, તોળો ઋણી સોનબાઈ.

દેવીયું કંઈક દિપતી, આ અવની માથે અનેક;
પણ ભોળાંપણું ને ભાવના, એવી સૌ માં સોનલ એક.

દયાળી નાખે દળી, દાળીદર ને દુ:ખ;
સૌને આપે સુખ, અમણી સોરઠવાળી સોનબાઈ.

સુખ સંપ અને સંપતી, આપે અખુટ આઈ;
બાળે વિઘન બાઈ, સૌ છોરૂના સોનબાઈ.